Jeremiah 39
Jerusalem Kilakna
1Hih in Jerusalem kilakzia ahi hi: Judah kumpipa Zedekiah kumpi a suah zawh a kum kuana a kha sawmna kha-in Babylon kumpipa Nebuchadnezzar a galkap khempeuh tawh kuana Jerusalem a umcih hi. 2Zedekiah kumpi a suah zawh a kum sawm le khatna a kha lina a ni kuana ni-in khuapi kulh kitovang hi. 3Tua ciangin Babylon kumpipa uliante khempeuh Samgar a Nergal-Sharezer, galkap mang lianpen Nebo-Sarsekim ▼▼39.3 Ahikeh Nergal - Sharezer, Sangar -Nebo, Sarsekim
, ulianpi khat Nergal-Sharezer le Babylon kumpipa ulian dangte khempeuh in Kongpi Laita-a tutnate a luah uh hi. 4Judah kumpipa Zedekiah le galkap khempeuh in amaute a muh uh ciangin taimang uh a, amaute in kumpipa huan lampi tawnin khuapi nusia-in tai-in kulh nih kikala kongpi tawnin Arabah ▼▼39.4 Ahikeh Jordan Kual teng
lam a manawh uh hi. c 5 Ahi hangin Babylon ▼▼39.5 Ahikeh Chaldea-te
galkapte in nungdelh uh a Jericho zanglei ah Zedekiah a pha uh hi. Amaute in amah man in, Hamath gam Riblah a om Babylon kumpipa Nebuchadnezzar kiangah puak uh a, tua lai-ah ama thu kikhen hi. 6Babylon kumpipa in tua Riblah phual ah Zedekiah muhin a tate tawl-atsak a, Judah gam-ukte khempeuh zong a that hi. 7Tua ciangin Zedekiah mittangte khelkhiatsak a, sumngo kol bulhin Babylon ah a paipih uh hi. e 8 Babylon mite ▼▼39.8 Ahikeh Chaldea-te
in kumpi inn le khuamite innte halsak uh a, Jerusalem kulhte a phelkhiamang uh hi. 9Kumpi cing galkap mangpa Nebuzaradan in khuapi sunga a omlai mite, amah beela a tai mite le a omlai mi khempeuh tawh Babylon ah salin a kai hi. 10Ahi hangin kumpi cing galkap mangpa Nebuzaradan in Judah gamah bangmah a nei lo mizawng pawlkhat nusia a; tua lai-ah lenggui huante le lote a pia hi. g 11 Tu-in Babylon kumpipa Nebuchadnezzar in Jeremiah tawh kisai-in kumpi cing galkap mangpa Nebu-zaradan tungtawnin hih bangin thu a pia hi: 12“Amah la unla kem un; amah liamsuah kei unla hong nget peuhpeuh hihsak un,” a ci hi. 13Kumpi cing galkap mangpa Nebuzaradan tawh galkap mangpipa Nebushazban, ulianpipa Nergal - Sharezer le Babylon kumpipa ulian dangte khempeuh in 14vaikhak uh a, huang sunga a kicinna mun panin Jeremiah a lakhia uh hi. Amaute in Shaphan tapa Ahikam tapa Gedaliah, tungah a inn-a a puak kik dingin a ap uh hi. Tua ciangin a mipihte lakah a om hi. h 15 Huang sunga a kicinna munah Jeremiah thong a kiat laitakin ama tungah TOPA thu tunga: 16“Pai inla Cush-te Ebed - Melech kiangah, ‘Hih in Israel Pasian Thahatpen TOPA gen ahi hi: Hih khuapi tungah ka tunsak dinga ka gensa phatna hi lo siatnate ka tangtungsak ta ding hi. Tua hun ciangin na mitmuh in a tangtung ding hi. 17Ahi hangin tua ni ciangin nang kong hu ding hi,’ TOPA in cikhia a; na kihtak mite tungah hong kipia kei ding hi. 18Nang kong honkhia dinga; namsau-in na si kei dinga na nuntakna na suahtak ding hi, bang hang hiam cih leh kei nong muang hi, TOPA in cikhia hi,’ ci in,” a ci hi. i
Copyright information for
ZomZIV